Delegacioni i Federatës e sindikatës të Shëndetësisë së Kosovës bashkë me dy nënkryetarët dhe përfaqësuesen e Regjionit Sindikal të Mitrovicës kanë takuar dje Këshillin Grevist të Sindikatës së Pavarur të Minatorëve të Trepçës.
Gjatë takimit ata u njoftuan me gjendjen e përgjithshme të grevistëve pas 27 ditëve në grevë, të cilëve FSSHK ju ofroi ndihmë dhe mbështetje morale, duke i përkrahur kërkesat dhe veprimet e tyre.
“Për FSSHK është e papranueshme dhe e patolerueshme situata me kushtet e punës së Minatorëve, me mjetet themelore të punës me afat të skaduar dhe pa pajisje personale adekuate për punë. E drejta në pagë është e garantuar me Kushtetutë dhe Ligjin e Punës, mos pagesa e Minatorëve për dy muaj rresht nuk ka asnjë justifikim, përpos mungesë e menaxhimit dhe funsksionimit nga ana e menaxhmentit të Trepçës”, thuhet në njoftim.
FSSHK kërkon nga Qeveria dhe menaxhmenti i Trepçës që të gjinden një zgjidhje afatgjate për daljen nga kriza në mënyrë që minatorët të kthehen në vendin e punës të qetë dhe pa brenga.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...